स्याउ बाट आत्मनिर्भर बन्दै तिलागुफाका कृषकहरु

कमल कुमाल
भदै १५ कालिकोट जिल्लाको तिलागुफा नगरपालिकाका कृषकहरु स्याउ बाट आत्मनिर्भर बन्दै गएका छन । पछिल्लो समयमा स्याउँको उत्पादन राम्रो हुन थालेपछी स्याउ बाट आत्मनिर्भर बन्दै गएको स्थानियवासि गोविन्द्र शाहिले बताउनु भएकोे छ । उहाँका अनुसार स्याउ किसान तथा व्यापारीले भदौ महिनामा स्याउ बिक्री सुुरु गरेका छन् । भदौ पहिलो साता नै बिक्री सुुरु भएको छ । जिल्लाको तिलागुुफा नगरपालिका वडा नम्बर ४ को राचुुली र रताडामा उत्पादित स्याउले अहिले भाईर देशबाट आउन आयात रोकिएको छ ।

फोइमहादेवका अगुवा किसान बेगमबहादुर शाहीले सबै ठाउँमा स्याउ उत्पादन राम्रो भएकाले सबैले स्याउ सिजनमा ४० देखि ५० हजार सम्म आम्दानी लिएकोे वताउनु भएको छ ।कृषि विकास कार्यालय कालिकोटका बागवानि अधिकृत वुद्ध विश्वर्कमाले कालिकोटमा १३ सय हेक्टर क्षेत्रफल ओगटेको स्याउको वगैचाले अहिले ९ सय हेक्टर क्षेत्रफलमा मात्रै स्याउ अत्पादन भइरहेको वताउनु भएको छ । ९ सय हेक्टर क्षेत्रफलमा अहिले ७ हजार २ सय मेट्रिकटन स्याउ उत्पादन भएको छ ।
कृषि विकास कार्यालय कालिकोटका प्रमुख बालाराम देवकोटाले प्रत्येक वर्ष किसानहरुलाई स्याउका विरुवामा ७० प्रतिशत कृषि विकास कार्यालयको अनुदान र ३०प्रतिशत किसानको अनुदानमा स्याउका विरुवा वितरण गर्ने गरिहेको वताउनु भयो । वगैचामै अहिले किसानले प्रतिकेजि ६० देखि ७० रुपियामा विक्री गर्ने गरेका छन । स्याउ उत्पादन राम्रो हुदा किसानहरु आत्मनिर्भर हुन थालेका छन ।