संघीय सरकारका युवा तथा खेलकुद मन्त्री महेश्वर गहतराजले नवौ राष्ट्रिय खेलकुद प्रतियोगिताको तयारी तिव्र भइरहँदा कर्णाली र बागमती बाहेक अन्य प्रदेश सरकारहरुले तयारी नगरेको आरोप लगाएका छन् ।
शुभकालिका गाउँपालिका
पचालझरना गाउँपालिका
मन्त्री गहतराजले खेलकुदलाई महत्व दिएर बजेट बिनियोजन नगरिदिएका कारण जिल्लाहरुमा प्रतियोगिताको तयारी फितलो भएको बताए । कर्णाली र बागमतीमा प्रदेश सरकारले खेलकुदलाई विशेष महत्व दिएपनि अन्य प्रदेशमा कम महत्व दिइएको मन्त्री गहतराजको आरोप छ । नवों खुलकुदका लागि मधेश प्रदेश र लुम्बिनीमा सबैभन्दा समस्या देखिएको उनले जनाए ।
प्रतियोगिता संचालन गर्न गण्डकी प्रदेशमा संरचना तयार अन्तिम चरणमा पुग्दै गरेको बताउँदै उनले पूर्वाधारको अभावका कारण स्विमिङ र सुटिङ भने राजधानी काठमाडौंमा संचालन हुने जानकारी दिए । मन्त्री गहतराजले ती खेलहरुका लागि पूर्वाधार निर्माण गर्न मात्र ३४ लाख आवश्यक पर्ने उल्लेख गर्दै बजेट र समय अभावका कारण काठमाडौं मै संचालन गर्नु पर्ने भएको बताए ।
खेलकुदमा आफ्नो प्रदेशको अवस्था प्रदर्शन गर्ने एउटा अवसरका रुपमा रहेको राष्ट्रिय खेलकुदलाई महत्वमा राखेर सहयोग गरिदिन उनले सबैलाई आग्रह गरे ।लुम्बिनी प्रदेशमा प्रदेश सरकारले पर्याप्त बजेट बिनियोजन नगरिदिएकै कारण जिल्ला स्तरिय तयारीहरु चन्दा उठाएर संचालन भइरहेका छन् उनले भने ।
उनले ३६ वटा खेलहरुका लागि ७ प्रदेश, ३ विभागिय टिम र एनआरएन गरि ११ वटा टिम सहभागी हुने जानकारी दिए ।
झिल्को खबर बाट सभार
तिलाप्रेस । १५ भाद्र २०७९, बुधबार १६:२३