जोखिममा रहेका बालबालिकालाई आर्थिक सहयोग

कालिकोट खाँडाचक्र नगरपालिका जोखिममा रहेका ११ जना बालबालिकालाई आर्थिक सहयोग गरिएको छ ।अभिभावक बिहिन आर्थिक अवस्था निकै कमजोर, बिपन्न बालबालिकालाई शैक्षिक साम्रगीको अभाव नहोस भन्दै बागेश्वरी असलशासन कलव नेपाल बाँकेले जनही तीन हजार नगद सहित झोला सहयोग गरिएको हो ।

आईतवार सदरमुकाम मान्मका आयोजित स्थानीय योजना तर्जुमा प्रक्रियामा बालवालिका युवाको सहभागीता नामक अन्तरक्रिया कार्यक्रमा सहयोग हस्तान्तरण गरिएको छ । खाँडाचक्र नगरपालिका प्रमुख कमलबहादुर शाही , उपप्रमुख गणेश शाही , सम्बन्धित वडाका वडाध्यक्षको सहभागीतामा सहयोग हस्तान्तरण गरिएको छ ।यसभन्दा अगाडि पनि बास नेपालले ४ जना जोखिममा रहेका बालवालिकालाई जनही ५ हजार नगद सहयोग गरेको थियो ।

कार्यक्रममा बालबालिका , युवा तथा जनप्रतिनिधिहरूको सहभागीता रहेको थियो । लकार्यक्रम बास नेपालको आयोजना, युनिसेफ नेपालको सहयोग र खाँडाचक्र नगरपालिकाको सहकार्यमा आयोजना गरिएको थियो ।