कालिकोट दोस्रो चरणको खोप अभियान सुरु भए पश्चात आज २ हजार २ सय १९ जना किशोरीले पाठेघरको मुखमा हुँने क्यान्सर विरुद्धको एच.पि.भी खोप लगाएका छन् ।
जिल्लामा द्रोस्रो चरणको खोप अभियान शुभारम्भ भए पश्चात खाँडाचक्र नगरपालिकामा ८९०, नरहरीनाथ गाउँपालिकामा ७९२ र शुभकालिका गाउँपालिकामा ५३७ गरी जम्मा २ हजार २ सय १९ जना छात्रा तथा किशोरीहरूलाई एच.पि.भी खोप लगाइएको जनस्वास्थ्य अधिकृत कटक महतले जनाकारी दिनुभयो ।
विद्यालयमा अध्ययनरत कक्षा ६ देखी १० सम्मका सम्पूर्ण छात्राहरुलाई विद्यालयमै खोप दिईरहेको र विद्यालय बाहिर रहेका १० देखी १४ वर्ष उमेर समूहका बिशोरीलाई स्वास्थ्य संस्थामा रहेका खोप केन्द्रबाट खोप दिईरहेको समेत उहाँले बताउनु भयो ।
जिल्लाका नौं वटा स्थानीय तहलाई तिन भागमा विभाजन गरी माघ २२ गते देखी फाल्गुण ६ गते सम्म एच पि भि खोप अभियान संचालन हुने जानकारी दिनुभयाे ।
तिलाप्रेस । २७ माघ २०८१, आईतवार २२:०२