कमल कुमल कालिकोट
रास्कोट नगरपालिकामा १८ सय ९९ जना बालवालिका लाई दादुरा रुबेला बिरुद्धको खोप लगाइदैं छ । दादुरा रुबेला खोप अभियान सम्बन्धी १ दिने अभिमुखीकरण कार्यक्रम रास्कोट नगरपालिका स्वास्थ्य शाखा प्रमुख जनकराज न्यौपानेले नगरपालिका भित्रका १८ सय ९९ जना बालबालिकालाई खोप लगाइने बताउनु भएको छ ।रास्कोट नगरपालिका स्वास्थ्य शाखाको आयोजनामा दादुरा रुबेला खोप अभियान सम्बन्धी १ दिने अभिमुखीकरण कार्यक्रममा पालिकाका जनप्रतिनिधी कार्यपालिका सदस्य, स्वास्थ्यकर्मी तथा शिक्षकहरुको सहभागिता रहेको थियो ।
उक्त कार्यक्रममा बोल्दै रास्कोट नगरपालिकाका नगर प्रमुख धर्मराज शाही ( पोषण)ले दादुरा–रुबेला खोप अभियानलाई समुदायमा प्रभावकारी रुपमा सञ्चालन गर्न सबैको भुमिका हुनुपर्ने बताउनु भएको छ । खोप अभियानको सूचना सहर बजार देखि गाउँ टोल सम्म पुराउँदै यसको महत्वको बारेमा आम जनसमुदायलाई जानकारी गराउँदै बालबालिकालाई खोप अभियानबाट बञ्चित हुनबाट जोगाउनु पर्नेमा जोड दिनुभयो ।
कार्यक्रममा बोल्दै स्वास्थ्य शाखा प्रमुख न्यौपानेले नेपाल सरकारको देशभरि दादुरा–रुबेलाको सङ्क्रमणको जोखिमलाई मध्यनजर गर्दै यही फागुन १७ गतेदेखि १९ गतेसम्म सञ्चालन हुने खोप अभियान सफल पार्न अभिमुखीकरण कार्यक्रम गरिएको जानकारी दिनु भएको छ । दादुरा रुबेला यदी कुनै बालबालिकामा भएमा एक जनाले कम्तीमा पनि १८ जनालाई सङ्क्रमण गर्न सक्ने भएकाले समयमै खोप लगाउनु हुन रास्कोट बासिलाई आग्रह समेत गर्नुभएको छ । दादुरा रुबेलाको सम्भावित सङ्क्रमणको जोखिमलाई मध्यनजर गर्दै ९ महिना देखि ५ वर्ष मुनिका १८ सय ९९ जना बालवालिका लाई खोप लगाईने पत्रकार टिकाराज उपाध्यायले जनकारी दिनुभएको छ ।
तिलाप्रेस । १५ फाल्गुन २०८०, मंगलवार १७:१५