कमल कुमाल कालिकोट स्थानीय स्तरमा हुने बाल विवाह, ,घरेलु हिंसा, तथा सामाजिक सञ्जाल सम्बन्धी सचेतना जगाउने उद्धेश्यले जिल्लाको ग्रामिण क्षेत्रमा बाल विवाह विरुद्धको सडक नाटक सम्पन्न भएको छ । उक्त सडक नाटक कार्यक्रममा युरोपीएन युनियन प्लान ईन्टरनेश्नल फेडो नेपाल कालिकोटकोे आर्थिक सहयोग, कर्णाली हट बोर्डिङ स्कुल कालिकोटको सहकार्य,तथा सामुदायीक प्रहरी सेवा केन्द्र कालिकोटको आयोजनामा प्रतिमाचोक नजिकै सडक नाटक प्रर्दशन गरिएको थियो ।
पछील्लो समयमा यस्ता बाल विवाह, ,घरेलु हिंसा, तथा सामाजिक सञ्जाल बाट हुने घटनाहरुलाई न्युनिकरण गर्नका लागी यो जनचेतना मुलक कार्यक्रमले एकदमै राम्रो सन्देश दिने जिल्ला प्रहरी कर्यालय कालिकोटले जनाएको छ ।
जिल्लामा बढदो बालविवाहका विरुद्ध सचेतिकरण गर्ने उद्देश्यले प्रस्तुत गरिएको सडक नाटकमा सानो उमेरमा विवाह गर्दा बालबालिकाहरु शिक्षाबाट वञ्चित हुने, घरेलु हिंसामा पर्ने र स्वास्थ्यमा गम्भीर असर पार्ने जस्ता विषयहरु समेटिएका थिए । सडक नाटक कार्यक्रम समापन गर्दै प्रमुख जिल्ला अधिकारी गणेश नेपालीले बालबिबाह गर्नु कानुनी अपराध भएकोले यस्ता सडक नाटकले बालविवाहमा कमी ल्याउन सहयोग पुग्ने बताए ।
तिलाप्रेस । १२ फाल्गुन २०८०, शनिबार १६:०६