कमल कुमाल कालिकोट
जिल्लाको पलाँता गाउँपालिकाले आर्थिक वर्ष २०८० मा बिनियोजित बजेट, योजना निति निर्माण तथा खर्चका वारेमा गाउँपालिकाका नागरिकलाई राखेर सार्वजनिक गरेको छ । सुशासन, पार्दशिक्ता र जवाफदेहि सरकार बनाउन गाउँपालिकाले गरेका गतिविधी जनतामाझ सार्वजनिक गर्नुका साथै गाउँपालिकालाई नागरिक मैत्री बनाउने उदेश्यले सार्वजनीक सुनुवाई गरेको गाउँपालिका अध्यक्ष बिष्णु बहादुर रोकायाले बताए । गाउँपालिकाको उपलब्ध स्रोत, साधनबाट कार्य सम्पादन गर्दा केही समस्या हुनसक्ने र त्यसको समाधानका लागि प्राप्त सुझावहरुलाई आगामी दिनमा लागु गर्ने प्रतिबद्धता समेत व्यक्त गर्नुभएको छ। यती पलाँता गाउँपालिकामा कोही कसैले घुस लिने र दिने काम गर्याे भने त्यसलाई कानुनी कारबाही गरिने समेत बताए ।
कार्यक्रममा गाउँपालिका उपाध्यक्ष अलैपुरा हमाल, प्रमुख प्रशासकीय अधिकृत सुरेश श्रेष्ठ ,सम्पुर्ण वडाका वडा अध्यक्ष,विभिन्न विषयगत शाखाका प्रमुख तथा कर्मचारी तथा सहभागीले उठाएका प्रश्न, सुझाव र जिज्ञासाको सम्बोधन गरेका थिए । उनीहरुले सेवा प्रभावकारी बनाउन र कमिकमजोरी हटाउन सार्वजनिक सुनुवाई गरेको बताए ।
सार्वजनिक सुनुवाइ कार्यक्रममा गाउँपालिकाका प्रमुख प्रशासकीय अधिकृत शुरेस श्रेष्ठ द्धारा प्रस्तुत प्रतिवेदन उपर छलफल कार्यक्रममा बोल्दै पत्रकार रत्न कार्कीले सार्वजनीक सुनुवाइ कार्यक्रमलाई पालिकामा मात्र सिमित नगरी आयोजना केन्द्रित पनि हुनुपर्ने बताउँदै वडास्तरबाट गरेपछी मात्र गाउँपालिकामा गर्नुपर्ने, नागरिक सहभागिता बढाउनुपर्ने सुझाव व्यक्त गरे ।हरेक नागरिकले सरकार र सार्वजनिक संघ संस्थाको वारेमा जान्न वुझ्न पाउनु नागरिकको हक अधिकार हो । सार्वजनिक सुनुवाईको सहजिकरण रेडियो प्रदेश आवाजले गरेको छ ।
तिलाप्रेस । ८ फाल्गुन २०८०, मंगलवार १०:४४