कालिकोट पालिका स्तरमा रहेका स्वास्थ्यसंस्थामा डाटा ईन्ट्री गर्ने स्वास्थ्यकर्मीलाई परिमार्जित Hmis Dhis ,Lmis अभिलेखन , प्रतिबेदन तथा मासिक अनुगमन पुस्तिका सम्बन्धी संचालन गरेको ३ दिने तालिम सम्पन्न भएको छ ।
स्वास्थ्यसेवा कार्यालय कालिकोटका प्रमुख शंकेत विश्वकर्माको सभाअध्यक्ष,जनस्वास्थ्य अधिकृत कटक बहादुर महतको प्रमुख आतिथ्यतामा संचालन गरिएको कार्यक्रममा शुभकालिका गाउँपालिका,तिलागुफा नगरपालिका,महावै गाउँपालिका र खाँडाचक्र नगरपालीकाका २० जना स्वास्थ्य कर्मीहरुलाई डाटा ईन्ट्री, परिमार्जित तथा अभिलेखन ,सम्बन्धी कार्यक्रम संचालन गरिएको बताईएको छ ।
कार्यक्रममा बोल्दै विश्वकर्माले गलत भएका क्रियाकलापहरुलाई सुदृढ गर्न र आगामी दिनमा डाटा संकलन गर्दा यस्ता क्रियाकलाप हुन नदिन ,कार्यक्रममा सिकेका कुरालाई प्रयोगमा लागु गर्नको लागी यो कार्यक्रमको आयोजना गरिएको बताए । आगामी दिनमा तथ्यांकलाई सुधार गर्ने र सिकेका कुराहरुलाई लागुगर्ने स्वास्थ्यकर्मी तिर्थ शाहीले बताउनु भयो । कार्यक्रमको संचालन भने पालिका डाटा ईन्ट्री संकलन तथा तथ्याङ्क अधिकृत लंक बहादुर बमले गर्नुभएको थियो ।
तिलाप्रेस । १४ माघ २०८०, आईतवार २०:२९