कालिकोट जिल्लाको सान्नी त्रिवेणी गाउँपालिकाले कृषि जैविक विविधता मेला सम्पन्न गरेको छ । स्थानिय स्तरमा उत्पादन भएका कृषि उपजको प्रदर्शन सँगै कृषकलाई हौसला प्रदान गर्नका लागि मेलाको आयोजना गरिएको कृषि विकास शाखाले जनाएको छ । गाउँपालिकाका ९ वटै वडामा रहेका कृषकहरुले आफुले उत्पादन गरेको कृषि उपज वस्तु प्रदर्शन गरेका हुन । कृषकहरुले के कस्ता कृषि उपज उत्पादन गरेका छन , कुन वालि उत्पादन हुन्छ, लोपोन्मुख वालिको अबस्था लगाएतको उद्देश्य रहेको शाखा प्रमुख शुसन गौतमले वताउनु भयो ।
सान्नी त्रिवेणी गाउँपालिकालाई कृषि क्षेत्रमा आत्मनिर्भर बनाउनका लागि र कृषि क्षेत्रवाट गाउँपालिकालाई चिनाउनका लागि यो मेलाको आयोजना गरिएको हो । कृषकहरुले उत्पादन गरेका कृषि उपज वस्तुको बजारिकरणका लागि थुप्रै समस्या रहेको भएपनि उत्पादन धेरै भएमा बजारिकरणको समस्या नहुने गाउँपालिकाका प्रवक्ता रंगलाल देवकोटाले बताउनु भयो । कृषकहरुले उत्पादनमा वृद्दि गर्न सकेमा पालिकामै हाट बजारको व्यवस्था गरिने वडा नं ४ का वडा अध्यक्ष देवनाथ योगिले बताउनु भयो । कृषकहरुले उत्पादनमा बृदि गर्न सकेमा बजारिकरणको व्यवस्था पालिकाले गर्ने बताउनु भयो । सुर्खेत नेपालगंज वाट सामान लिएर आउने गाडिहरु यतावाट खालि जाने गरेको बताउदै कृसकहरुले उत्पादन गरेमा ती खालि गाडिमा यहाँको उत्पादन भरेर पठाउन सकिने योगिले बताउनु भयो ।
कृषकहरुका सबै समस्या समाधान गर्न स्थानिय सरकारले नसके पनि कृषकहरुको मागलाई सधै सम्बोधन गर्न स्थानिय सरकार तयार रहेको वडा नं १ का वडा अध्यक्ष वैकुण्ठराज गिरिले बताउनु भयो । सबै जनाले एउटै बस्तु उत्पादन नगरि फरक फरक कृषि वस्तु उतपादन गर्न सकेमा कृषि क्रान्ति हुने बताउनु भयो । मेलामा स्थानिय स्तरमा उत्पादन भएका फर्सि, मुला, साघ, काउलि, कोदोको पुरी तथा मम, केरा,कालो चामल, टमाटर, उखु, तरुल, सिमि लगाएतका कृषि उपज बस्तु प्रदर्शन गरिएको थियो । ृषकहरुलाई प्रोत्साहन गर्नका लागि यो मेलाको आयोजना गरि उत्कृष्ट उत्पादन गर्ने कृषकहरुलाई गाउँपालिकाले सम्मान गरेको हो ।
तिलाप्रेस । ६ माघ २०८०, शनिबार २२:०३