कमल कुमाल कालिकोट
बजार क्षेत्रभित्र प्रवेश गरिने ठुला माल बहाक ट्रकको समय निर्धारण गरिएको छ । जिल्लाको खाँडाचक्र नगरपालिका वडा नम्बर १ को आयोजनामा बसेको सर्बदलिय,सर्वप्रक्षीय बैठकको निर्णय अनुसार बजार क्षेत्रभित्र प्रबेश गरिने ठुला सवारी साधनको समय निर्धारण गरिएको हो । खाडाँचक्र नगरपालिका वडा नम्बर १ का वडा अध्यक्ष धर्मराज ताम्राकारको सभाअध्यक्षता,जिल्ला समन्वय समितीका प्रमुख धनजित शाहीको प्रमुख आतिथ्यता, प्रमुख जिल्ला गणेश नेपालीको विशेष आतिथ्यतामा बसेको सर्बदलिय,सर्वप्रक्षीय बैठक बसी तपसिलको निर्णय गरिएको हो ।
नगरपालिकाको वडा नं.१ को जिरोपईन्ट बाट ठुला सवारी साधन,मालबाहक ट्रक, ट्याक्टर लगायतका ठुला सवारी साधन बजार क्षेत्रभित्र प्रवेश गरिने समय समेत तोकिएको छ । समय भने बेलुकी ५ः०० बजेदेखी विहान ८ः०० बजेसम्म प्रवेश तथा आवत जावत गर्नसक्ने समय निर्धारण गरिएको हो । साथै बजार क्षेत्रमा दुई पाङ्ग्रे सवारी साधन चलाउँदा गती प्रतिघण्टा अधिकतम २५ कि मि निर्धारण गरिने समेत बताईएको छ ।
उक्त कार्यक्तमम वडा नं.१ का वडा अध्यक्ष धर्मराज ताम्राकार ,जिल्ला समन्वय समितीका प्रमुख धनजित शाही, प्रमुख जिल्ला अधिकारी गणेश बहादुर नेपाली, प्रहरी प्रमुख अर्जुन के सी,,नेकपा माओवादीका नेता ऐन बहादुर शाही,नेपाली काँग्रेशका नेता सबिन विष्ट,नेकपा एमालेका नेता ऐन बहादुर शाही, एकिकृत समाजवादी पार्टिका नेता ,लाल बहादुर मल्ल, पूर्व सभापती,हर्ष बहादुर शाही , लगायतका सरोकारवाला निकायको सहभागितामा बैठक बसी तपसिलको निर्णय गरिएको समेत बताईएको छ ।
तिलाप्रेस । ५ माघ २०८०, शुक्रबार १८:१७