कालिकोट जिल्लाको रास्कोट नगरपालिकाको खाम देखी मौलाकोट सम्मको गोरेटो बाटोको उप प्रमुख मनिराज बरालद्धारा शिलान्यास गरिएको छ । नगरपालिकाको वडा नम्बर ४,५,र ६ मा पर्ने गोरेटो बाटो निमार्णका लागी नगर उपप्रमुख मनिराज बराल,प्रधानमन्त्री रोजगार कार्यक्रमका योजना शाखा प्रमुख ऐन बहादुर शाही लगायतका स्थानीय नागरिकहरुको उपस्थितिमा गोरेटो बाटो सिलान्यास गरिएको हो ।
नगरपालिका भित्रको सडक कालोपत्रे गरिरहेको रास्कोट नगरपालिकाले सडक सगसँगै गाउँघरका गोरेटो बाटो समेत पक्की निर्माण गर्न सुरु गरेको छ । पानी पर्नासाथ गोरेटो बाटो हिलाम्मे बन्दा बालबालिका तथा बुढेसकाल लागेका वृद्धलाई आवतजावत गर्न धेरै कठिन भएकाले प्रधानमन्त्री रोजगार अन्र्तगत, नगरपालिकाले टोलकै समस्या बुझेर बाटो बनाउन बजेट छुट्याएको नगर उपप्रमुख बरालले बताए ।
तिलाप्रेस । २३ पुष २०८०, सोमबार १८:१४