कमल कुमाल
कालिकोट पुस १२ गते
कालिकोटमा टाईफाईड विरुद्धको खोप अभियान सञ्चालन गरे संगै खोप लागाउने काम धमाधम सुरु भएको छ । स्थानीय तहमा यो खोप सञ्चालन गरे संगै तिलागुफा नगरपालिकामा पुरुष ५५४ महिला ८०६ जना,महावै गाउँपालीकामा पुरुष ३२५ महिला ७४९ जना ,पलाँता गाउँपालिकामा पुरुष २८६ महिला ७०७ जना नरहरिनाथ गाउँपालीकामा पुरुष ४९७ महिला ८५७ जना गरि जम्मा ४७८१ जना सेवाग्राहीहरुले सेवा लिएको जनस्वास्थ्य अधिकृत कटक महतले बताउनु भएको छ ।
महतका अनुसार जिल्ला भरि खोप अभियान दुई चरणमा सञ्चालन हुनेछ । पहिलो चरणमा पुस १२ देखि १४ गते सम्म जिल्लाका पलाता गाउँपालिका ,नरहरिनाथ गाउँपालिका ,महावै गाउँपालीका र तिलागुफा नगरपालिकामा संञ्चालन गरिएको छ भने दोस्रो चरणको खोप भने पुस १६ गते देखी १८ गते सम्म खाडाँचक्र नगरपालिका,रास्कोट नगरपालिका,पचालझरना गाउँपालिका,शान्नीत्रिवेणी गाउँपालिका र शुभकालीका गाउँपालिकामा खोप अभियान सञ्चालन हुने समेत बताउनु भएको छ ।
तिलाप्रेस । १२ पुष २०८०, बिहीबार १९:१८