कमल कुमाल कालिकोट ,लागु औषध बिरुद्ध ऐक्यबद्धता, अपराध मुक्त समाजको प्रतिबद्धता भन्ने मुल नाराका साथ खाँडाचक्र नगरपालिका स्तरीय लालटिन समितिको आयोजना एवं जिल्ला प्रहरी कार्यालय कालिकोटको समन्वयमा खाडाँचक्र नगरपालिका वडा न.१ मान्म स्थित जिरो प्वाईन्टबाट पर्चा पम्प्लेट,जनचेतना मुलक प्लेकार्ड सहितका नाराहरु,जिंगल सहितको लागु औषध विरुद्धको सचेतनामुलक ¥याली निकाली उक्त ¥याली प्रतिमाचोकमा कोण सभामा परिणत भई जिल्ला समन्वय समिति कालिकोटको सभाहलमा खाँडाचक्र नगरपालिका प्रमुख कमल बहादुर शाहीको अध्यक्षता एवं जिल्ला समन्वय समिति कालिकोटका उपप्रमुख मिना रावत बिश्वकर्माको प्रमुख आतिथ्यता,प्रमुख जिल्ला अधिकारी गणेश नेपालीको बिशिष्ट आतिथ्यता, स्थानिय जनप्रतिनिधीहरु,सम्पुर्ण राजनैतिक दलका प्रमुख तथा प्रतिनिधीहरु,जिल्ला स्थित सुरक्षा निकायका प्रमुखहरु, उद्योग वाणिज्य संघ, पत्रकार महासंघका प्रतिनिधि तथा अन्य पत्रकारहरु, नागरिक समाज,होटेल व्यवसायी संघ,जिल्ला स्थित सबै सरकारी कार्यालयका प्रमुख तथा प्रतिनिधिहरु,जिल्ला स्थित सबै गैर–सरकारी कार्यालय एवम् बिभिन्न साझेदार संघ संस्थाका प्रमुख तथा प्रतिनिधिहरु,शिक्षक,बिद्यार्थीहरुको उपस्थितिमा “खाँडाचक्र नगरपालिका स्तरीय लागुऔषध बिरूद्धको लालटिन अभियान कार्यक्रम सम्पन्न भएको हो ।
उक्त कार्यक्रममा बोल्दै नगर प्रमुख कमल बहादुर शाहीले विद्यालय स्तरबाटै सचेतना जगाउन सकेमा लागू औषधको प्रयोगबाट युवाहरुलाई जोगाउन सकिने र त्यसका लागि अभिभावकहरुले आफ्ना छोराछोरी उनीहरुप्रति निगरानी बढाउनुपर्नेमा जोड दिनुभयो । अहिलेका युवाहरुलाई लागू औषधबाट जोगाउनका लागि चुनौती रहेको भन्दै यसका लागि समुदायसँग सहकार्य गरिने बताउदै पालिकाहरुमा लागुपदार्थ दुव्र्यसन न्युनिकरणका लागि बिभिन्न कार्यक्रम सञ्चालन गरिरहेको बताउनु भएको छ ।
लागु औषध विरुद्ध जनचेतना जगाउने उद्देश्यले रास्कोट नगरपालिकामा ,पचालझरना गाउँपालिकामा र खाडाचक्र नगरपालिकामा यो सचेतनामूलक कार्यक्रम संचालन गरिएको समेत प्रहरी प्रमुख के सी ले बताउनु भयो ।
त्यस्तै प्रमुख जिल्ला अधिकारी गणेश नेपालीले लागु औषध भनेको के हो, व्यक्ति, समाज, राष्ट्र तथा परिवारमा यसले के कस्तो प्रभाव पार्दछ । लागु औषध मानिसहरूले के कारणले गर्दा सेवन गर्न बाध्य हुन्छ, सेवन कर्ताहरुमा लागु औषधको सेवन पश्चात् के कस्ता लक्षणहरू देखा पर्दछन यसको कुलतमा फसेकाहरूलाई कसरी सुधार गर्ने सकिन्छ भन्ने बारेमा जानकारी दिनुभएको थियो ।
तिलाप्रेस । ६ पुष २०८०, शुक्रबार १७:२२