कमल कुमाल
कालिकोट बाल विवाहको व्यापकता सर्वेक्षण सम्बन्धी तथ्याङ्क गणकहरुका लागी २ दिने अभिमुखीकरण कार्यक्रम संचालन भएको छ । प्लान इन्टरनेश्नल नेपालको आर्थिक सहयोग ,सादा नेपाल , हुरेण्डेक नेपाल तथा साझेदार संस्थाको आयोजनामा बाल विवाहको व्यापकता सर्वेक्षण सम्बन्धी तथ्याङ्क गणकहरुको लागी २ दिने अभिमुखीकरण कार्यक्रम संचालन गरिएको हो । उक्त कार्यक्रममा प्रमुख जिल्ला अधिकारी गणेश बहादुर नेपालीको प्रमुख आतिथ्यता, प्रहरी प्रमुख अर्जुन के सि, नेपाल पत्रकार महासंघ जिल्ला शाखा कालिकोटका अध्यक्ष भरत राज बिष्ट, प्लान इन्टनेश्नल नेपाल कर्णाली प्रदेश ,कार्यक्रम प्रबन्धक अम्बिका तिमिल्सेना परियोजना संयोजक झलक बिश्वकर्मा लगाएतको विशेष आतिथ्यतामा कार्यक्रम संचालन भएको हाे ।
प्लान ईन्टनेश्नल नेपाल,लगायतका अन्य साझेदार संस्थाले गरेका बाल विवाह,छिटो विवाह जस्ता घटनाहरु ,घट्ने क्रम कस्तो अवस्थामा रहेको छ त भन्ने बारे जिल्लाको नरहरिनाथ गाउँपालिका ,शान्नीत्रिवेणी गाउँपालिका र रास्कोट नगरपालिका बाट जम्मा २७ जना गणकहरुको सहभागिता रहेको थियो । कार्यक्रममा सहभागिताले बाल बिवाह, छिटो विवाह जस्ता घटना अहिले धेरै मात्रामा कमी आएकाे र पहिले जस्तो छैन अहिले धेरै नागरिकहरुले बुझि सकेका छन् सहभागिहरुले बताउनु भएको छ । उक्त कार्यक्रममा बोल्दै प्लान ईन्टनेश्नल नेपाल कर्णाली प्रदेश कार्यक्रम प्रबन्धक अम्बिका तिमिल्सेनाले बाल बिबाह ,छिटो विबाह जवरजस्ती विवाह गरिने घटनाहरु पछिल्लो चरणमा घट्दो क्रममा पाईएको समेत बताउनु भएको छ ।
साथै ३ वटै गाउँपालिकामा सन् २०२३ मा बाल बिवाहको व्यापकता सर्बेक्षणका लागि स्थानीय तहले गणकहरुलाई परिचालनका लागि स्थानीय सरकारले नै बजेट व्यवस्थापन गरेको छ । नरहरिनाथ गाउँपालिकाले ९४५०० , सान्नि त्रिवेणी गाउँपालिकाले पनि ९४५०० त्यस्तै गरी रास्कोट नगरपालिकाले पनि ९४५०० उक्त सर्बेक्षण कार्यको लागि स्थानीय सरकारले मुख्य दायित्व सरकारको हो हामी यस्ता वाल विवाहकोे सवालमा विशेष ध्यान दिएको र आगामी दिनमा साझेदार संस्था सादा नेपाल र प्लान नेपालसंग सरकारको हरेक क्षेत्रमा साझेदारी हुने कुरा तिन वटै स्थानीय तहका प्रमुख उप प्रमुखको भनाई रहेको छ ।
परियाेजना संयोजक दलसिङ कुमालले यो कार्यक्रम अहिले ३ वटा पालिकामा संचालन गरिरहेका छाै ,नरहरिनाथ गाउँपालिका शान्नित्रिवेण गाउँपालिका र रास्कोट नगरपालिकामा, यो कार्यक्रम लागु गर्दै गर्दा बाल विवाह गर्नेको दर ६७ प्रतिशत बाट ५१ प्रतिशतमा झरेको समेत रहेका बताए ।
विद्यालयमा अध्यानरत छात्राहरुका लागी सेनेटरि प्याट तथा बिद्यालय भन्दा बाहिर रहेको बिद्यार्थिलाई टिकाउनका लागि प्रधानध्यापक सग छलफल गरेको समेत बताउनु भएको छ । सर्वेक्षण सम्बन्धी तथ्याङ्क गणकहरुको लागी २ दिने अभिमुखीकरण कार्यक्रमको संचालन भने नमराज योगीले गर्नुभएको थियो ,कार्यक्रम २ दिन सम्म संचालन हुने भएको छ ।
तिलाप्रेस । ३० मंसिर २०८०, शनिबार १७:२७