जुम्ला युवा तथा बालबालिकाको क्षमताबृद्धी तथा नेतृत्व विकासका लागी मुर्दा संनकलन कार्यक्रम सम्पन्न भएको छ। जिल्लाको हिमा गाउँपालिकामा परिवर्तनका संवाहक युवा क्लव,किशोरी क्लव र युवा संजालले संयुक्तरूपमा समग्र पालिकाको बाल तथा युवा बिकासका प्रस्ताव (मुद्दाहरु) संकलन गरि स्थानीय सरकारलाई आगामी दिनमा निति तथा कार्यक्रममा समावेश गर्न कार्यप्रस्ताव हस्तान्तरण गरिएको छ ।
उक्त कार्यक्रमम युवाहरूले तयार गरिएको कार्यप्रस्ताव गाउँ पालिका उपाध्यक्ष सुर्पना शाही र प्रमुख प्रशासकीय अधिकृत रण बहादुर बुढाले ८ बुदे कार्यप्रस्ताव बुझ्नु भएको हो ।
बालबालिका र युवाका सशक्तीकरणको विभिन्न क्षेत्र समेटिएको ८ बुदे कार्यप्रस्ताव बुझ्दै गाउपालिका प्रमुख प्रशासकीय अधिकृत रण बहादुर बुढाले यो प्रस्ताव लागि आगामी गाउँ सभामा पेस गरि कार्यन्वयन गर्ने प्रतिबद्धता समेत जनाउनु भएको छ । गाउँ पालिका उपाध्यक्ष सुर्पना शाहीले युवा द्वारा हस्तान्तरण गरिएको कार्यप्रस्ताव बुझ्ने क्रममा यो पत्रमा ल्याएका मुद्दाहरु बालबालिका र युवा विकासमा सान्दर्भिक भएकाले आगामी गाउँ सभा प्रस्तुत गर्ने समेत उपाध्यक्ष शाहीले बताउनु भएको छ ।
प्लान ईन्टनेश्नल नेपालको आर्थिक सहयोग,हिमा गाउँपालिका जुम्लाको समन्वय,पेस नेपाल जुम्लाको आयोजनामा कार्यक्रम संचालन गरिएको थियो । यस कार्यक्रममा १३ सदस्यीय हिमा परिवर्तनको संवाहक युवा संजाल समेत गठन गरिएको पेस नेपाल जुम्लाका सुपरभाइजर कृष्णमाया रावतले बताउनु भयो ।
तिलाप्रेस । २८ मंसिर २०८०, बिहीबार १८:२१