कालिकोट जिल्ला प्रशासन कार्यालय कालिकोटले प्लाष्टिकजन्य फूलमालामा रोक लगाएको छ । प्लाष्टिकजन्य फूलमालाले वातावरणमा असर तथा किसानले उत्पादन गरेका फूलमालालाई निरुत्साहित गर्ने भन्दै जिल्ला भित्ररहेका नौं वटै स्थानीय तहमा यसको बिक्रीवितरणमा रोक लाउने निणर्य गरेको हो
स्थानिय कृषकहरुको बारीमा उत्पादित फूलमालालाई प्रोत्साहन गरि प्लाष्टिक जन्य फूलमालालाई रोक लगाउने निणर्य गरेको सहायक प्रमुख जिल्ला अधिकारी सरोज अधिकारीले बताएका छन ।त्यस्तै दीपावली तथा छठ पर्वलगायतका चाडपर्व, मेला महोत्सव तथा सभा समारोहमा प्लाष्टिकजन्य फूलमालाको प्रयोग अधिक हुने भएकाले त्यसमा रोक लगाइएको बतार्ईएको छ ।
नेपालभर प्लाष्टिकजन्य फूलगुच्छाको उत्पादन, आयात, बिक्री वितरण वा भण्डारण गर्न रोक लगाएको छ। सो बमोजिम प्लाष्टिकजन्य फूलगुच्छा, माला तथा प्लाष्टिक झोलालगायतका सामग्रीको बिक्री, वितरण नगर्न जिल्ला प्रशासन कार्यालय कालिकोटले सुचना मार्फत जानकारी दिएको छ
तिलाप्रेस । २५ कार्तिक २०८०, शनिबार ०६:४५