कालिकोटको १४औं जिल्ला स्तरीय रनिङ शिल्ड छनौट प्रतियोगिता तिलागुफा नगरपालिकामा सुरु भएको छ ।कर्णाली प्रदेशका पुर्व मुख्यमन्त्री कार्यक्रमका प्रमुख अतिथि महेन्द्र बहादुर शाहिले १४औं जिल्ला स्तरीय रनिङ शिल्ड छनौट प्रतियोगिताको उद्धघाटन गर्नुभएको हो । आजदेखि शुरु भएको प्रतियोगिता आगामी तीन दिनसम्म चल्ने छ ।
तिलागुफा –३ महादेव मा .वि फोईको खेल मैदानमा प्रतियोगिता सञ्चालन गरिएको तिलागुफा नगरपालिकाका उप–मेयर महेन्द्र बहादुर शाहीले जानकारी दिनुभयो । उप–मेयर शाहीका अनुसार प्रतियोगितामा जिल्लाका ९ वटै स्थानीय तहका विद्यालयको सहभागिता रहेको बताउनु भएको छ ।
जिल्ला खेलकुद विकास समितिको कालिकोटको आयोजनामा सुरु भएको प्रतियोगितामा रिले दौड,हाइजम्प, लङजम्प, त्रिपलजम्प, ज्याभलिन थ्रो, सटपुट, भलिबल, कबड्डील गायतका खेलहरु समावेश छन् ।प्रतियोगिताको उद्घाटन कार्यक्रममा मा.दुर्ग बहादुर रावत , पालिकाका जनप्रतिनिधिहरु, युवा नेता तथा नांैं वटै स्थानीय तहका खेलाडी लगायत स्थानियको उपस्तिथि रहेको थियो।
तिलाप्रेस । २१ कार्तिक २०८०, मंगलवार १७:३२