कमल कुमाल कालिकोट स्वास्थ्यको लागी खेलकुद राष्ट्रको लागी खेलकुद भन्ने मुल नाराका साथ जनचेतना प्रगतीशिल युवा क्लवलाई खेलकुद सामाग्री हस्तान्तरण गरिएको छ । जिल्लाको रास्कोट नगरपालिका वडा नं.३ को कार्यालयले बुधबार एक कार्यक्रमका बिच वडा अध्यक्ष राजेन्द्र नाथ योगी, वडा सचीव मेगराज चौलागाईंले सयुक्त रुपमा जनचेतना प्रगतीशिल युवा क्लवका अध्यक्ष चक्रनाथ योगीलाई खेलकुद सामाग्री हस्तान्तरण गरेको हुन् ।
छोटो समयको अवधिमा स्थानीय स्तर देखि राष्ट्रिय र अन्तर्राष्ट्रिय खेलाडी उत्पादन गर्न र खेलाडीलाई अझ खेल प्रती उत्प्रेरित बनाउका लागि भलिबल नेट लगायतका अन्य सामाग्रीहरु हस्तान्तरण गरिएको वडा अध्यक्ष योगीले जानकारी दिए ।
साथै वडा सचिव मेगराज चौलागाईका अनुसार वडा स्थित विभिन्न खेलप्रेमी खेलाडीहरुलार्ई खेलकुदमा लक्षित गरी खेलकुद सामाग्री बितरण गर्नाले उनीहरुको खेल प्रती रुचि बढ्नुका साथै व्यतित्व बिकास हुनेमा जोड समेत दिनुभएको छ ।
यस अघि आयोजना गरिएको प्रतियोगितामा राम्रो प्रदर्शन गरेका खेलाडीहरुले वडाको निरन्तर सहयोगले आफुहरुलाई उत्कृष्ट प्रदर्शनमा सहयोग पुग्ने जनचेतना प्रगतिशिल युवा क्लवका अध्यक्ष चक्रनाथ योगी बताएका छन ।
तिलाप्रेस । २४ आश्विन २०८०, बुधबार १८:०५