कालिकोटमा बढ्दै एचआईभी संक्रमित

कालिकोट कर्णाली प्लस कालीकोटले आयोजना गरेको सरोकारवाला विचको एक दिने अन्र्तक्रिया कार्यक्रम सम्पन्न भएको छ । राष्ट्रिय एच.आइ.भि तथा एड्स महासंघ नेपालका केन्द्रिय सदस्य काली वहादुर शाहीको अध्यक्षता तथा खाँडाचक्र नगरपालीका वडा नंः १ देखि ११ सम्मका वडा अध्यक्षको उपस्थितीमा एक दिने अन्र्तक्रिया कार्यक्रम सम्पन्न भएको हो । नेपालमा पहिलो एचआईभी संक्रमित सन् १९८८ मा पहिचान गरिएको थियो । एआरटि काउन्सिलर ईश्वर शाहीका अनुसार २०६५ साल देखि एच.आइ.भि सम्वन्धि काम गर्दै आइरहेको कर्णाली प्लसको २०८० सम्मको तथ्यांकअनुसार कालीकोटमा ६५जनाले एआरटि सेवा लिइरहेका छन ।

जसमा २९ जना महिला ,३ बालीका ,१ बालक र ३२ जना पुरुष रहेका छन । कालीकोटमा एचआईभि वाट ८ जनाको मृत्यु भएको छ । मुत्यु हुनेमा ४ जना महिला,१ वच्चा र ३ जना पुरुष रहेका छन ।सरकारले सन् २०३० सम्म एड्स महामारीको अन्त्य गर्ने लक्ष्य राखेको छ । शून्य नयाँ एचआईभी संक्रमण, शून्य एड्ससम्बन्धी मृत्यु र शून्य एचआईभी सम्बन्धित भेदभाव अन्त्य गर्ने लक्ष्य राखेकोे छ । सरकारी तथ्यांकअनुसार संक्रमितको संख्या घटेपनि उपचार सेवा लिनेको संख्यामा भने कमी आएको छैन । सरकारले आगामी सन् २०२६ सम्ममा आमाबाट जन्मेको बच्चामा सर्ने एचआईभी संक्रमण अन्त्य गर्ने लक्ष्य राखी कार्ययोजना अगाडि बढाएको हो ।सन् २०३० सम्मका लागि ९५ प्रतिशत एचआईभी संक्रमितहरुले आफ्नो संक्रमण अवस्थाबारे थाहा पाउने, तीमध्ये ९५ प्रतिशतको एआरभी औषधि उपचारमा पहुँच हुने र ती औषधि खानेमध्ये ९५ प्रतिशतको शरीरमा भाइरसको भार (भाइरल लोड) न्यून भएको हुनेछ ।

सात प्रदेशमा भाइरल लोड परीक्षण केन्द्र रहेका छन् । नेपालमा एचआईभीको उच्च जोखिममा सुईद्वारा लागूपदार्थ सेवन गर्नेहरू, यौनकर्मी, पुरुष समलिंगी तथा तेस्रो लिंगीहरू, वैदेशिक रोजगारीमा गएकाहरू र जेलमा रहेका कैदीबन्दीहरूसमेत एचआईभीको उच्च जोखिममा छन् । कर्णाली प्लस कालीकोटका टिम लिडर दिपक शाहीले एचआईभि संक्रमित लाई गलत दृष्टिकोणबाट हेर्न नहुने वताउनुभयो । संक्रमितहरुलाई हतोत्साहित नहुन आग्रह गर्दै उहाँले आफु हरपलसाथ सहयोगका लागि तत्पर रहेको वताउनुभयो । साथै उहाँले सकरात्मक सोच र दृढ आत्मवलका साथ अघि वढ्न संक्रमितिहरुलाई आग्रह गर्नुभयो ।

एचआईभि संक्रमण सम्बन्धि जनचेतना मुलक कार्यक्रमको लागि खाँडाचक्र नगरपालीका प्रत्येक वडाले २० हजार सहयोग गर्ने वडा अध्यक्षहरुले प्रतिवद्धता जनाएका छन । नगरपालीका भित्रका प्रत्येक स्वास्थ्य चौकी,आधारभुत स्वास्थ्य सेवा केन्द्रमा महिनाको एक दिन स्वास्थ्यकर्मि मार्फत एच.आईभि एड्स सम्बन्धि स्वास्थ्य शिक्षा सञ्चालन गर्ने निणर्य समेत गरीएको अध्यक्ष काली वहादुर शाहीले जानकारी दिनुभयो । पछिल्लो समय भने कालीकोटमा एचआइभि संक्रमितको हुनेका संख्या वढ्दै गइरहेको छ । एचआईभी संक्रमितहरूलाइ एआरटी केन्द्र वाट निःशुल्क औषधि वितरण भइरहेको छ ।