रमेश शाही ठकुरी (रउतेलो) का चर्चित मुक्तक हरु

छत्र रोका मगर धमका ,
कालिकोट जिल्लाको तिलागुफा नगर पालिका वडा नं ७ छाप्रे मा जन्मीनु भएका रमेश शाही ठकुरी (रउतेलो) का चर्चित मुक्तक हरु यसरी लेखछन् ।

1,
कसैको कुरा काटेर महान हुन सक्दैनौ ।
धर्तीको किरै होउ चन्द्रमा छुन सक्दैनौ ।।
बुझि राख मेरो अगाडी सज्जन बन्नेहरु ।
गधा धोएर कहिल्यै गाइ बनाउन सक्दैनौ ।।

2,
भन न भन साथीभाइ कहाँ पुग्छौ तिमी ।
अनायासै फुर्ती लगाइ कहाँ पुग्छौ तिमी ।।
मिलजुल गरी बरु घर बनाउ समाज बनाउ ।
बेकारको घमण्ड देखाइ कहाँ पुग्छौ तिमी ।।
3,
झल्झली सेतो ठुँटो झल्काउनेहरु संग ।
आज एक्कै सर्को भन्दै पल्काउनेहरु सङ्ग ।।
कतै मेरो घरै जलाउने पो हुन् कि भन्दै ।
बस्न डर लाग्छ चुरोट सल्काउनेहरु सङग ।।
4,
स्वर्ग स्वरुपकै ठाउँमा हेर बाँच्न चाहन्छु ।
मरे यहि हो बाँचे यहीँ नेर बाँच्न चाहन्छु ।।
जो जान सक्छौ जाउ त्यो पराहिको भुमि ।
म त मेरो देशमा माटै भएर बाँच्न चाहन्छु ।।

5,
गरीब जन्ता फेरी कुट्न संसद पठायौं ।
उहि धनीको मुख चुट्न संसद पठायौं ।।
मति भ्रष्ट एक म हुँ अरु तपाईं हुनुहुन्छ ।
जो चोरलाइ देश लुट्न संसद पठायौं ।।

6,
ए भगवान् जसरि मनाउ त्यो गरिबलाई पनि ।
सक्छौ भने पैसा खनाउ त्यो गरिबलाई पनि ।।
आज होलसेलको गतिलै माल धनिले गन्दैन ।
कि पैसा फल्ने बोट बनाउ त्यो गरिबलाई पनि ।।
7,
रक्सी खाएर मात्तिदै माथकै कुरा गरे ।
नकरा मोरा तँ भन्दै अघातकै कुरा गरे ।।
“मानिस ठुलो दिलले हुन्छ जातले हुँदैन“।
भन्दै सिकाउने गुरुले आज जातकै कुरा गरे ।।

8,
कोसिस गरे कसम खाइ आफ्नो बनाउन ।
दु;ख सुनाएँ पिडादायी आफ्नो बनाउन ।।
भन्दा घमण्ड गरे जस्तै लाग्न सक्छ हजुर ।
नसकिने रैछ पराइलाइ आफ्नो बनाउन ।।
9,
रुखो बोली हितकारी बचन बन्यौ तिमी ।
खोज्ने मेरा आँखै अघि पतन बन्यौ तिमी ।।
सिधा रुखको हाँगा बिघा काट्न लगाएर ।
मलाइ दोषी ठहर गरी सज्जन बन्यौ तिमी ।।

10,
हड्डी घाँटी लागेझैँ किक्क पार्ने रहेछन् ।
यता ठिक्क उता ठिक्क पार्ने रहेछन् ।।
हो “नारी चरित्र दैव नजाने“ साँचै रहिछ ।
मुखले ठिक्क मनले दिक्क पार्ने रहेछन् ।।

रमेश शाही ठकुरी (रउतेलो)
तिलागुफा नगर पालिका वडा नं ७, छाप्रे, कालिकोट
हालःभोजपुर न.पा–०६, देउराली,भोजपुर