जहाज कुर्दाकुर्दै कोल्टीमा एक विरामीको मृत्यु

बाजुरा जिल्लाको पुर्वी उत्तरी भेगको बुढीनन्दा नगरपालिका–२ मा पर्ने कोल्टी प्राथमिक स्वास्थ्य केन्द्रमा एक विरामीको मृत्यु भएको छ ।मृत्यु हुनेमा मुगु जिल्ला खत्याड गाउँपालिकाका–११ का ६० वर्षीय विर्खबहादुर कार्कीको मृत्यु भएको कोल्टी प्राथमिक स्वास्थ्य केन्द्रका प्रमुख डाक्टर प्रतिक न्यौपानेले जानकारी दिएका छन् ।

उनले दिएको जानकारी अनुसार लामो समयदेखि उच्च रक्तचापको विरामी भएकाले मंगलबार सुविधा सम्पन्न अस्पताल नेपालगञ्जमा लैजान रिफर गरेको कार्की हवाई जहाजको पर्खाइका कारण मध्ये राति १२ः०० बजे प्राथमिक स्वास्थ्य केन्द्रमा ज्यान गुमाएको बताएका छन् ।६ दिनदेखि गाउँपालिकाको रातापानी प्राथमिक स्वास्थ्य केन्द्रमा उपचार गर्दा पनि निको नभएपछि मंगलबार कोल्टी प्राथमिक स्वास्थ्य केन्द्रमा उपचारका लागि भर्ना गरिएको डाक्टर न्यौपानले बताए ।

उच्च रक्तचापका विरामी कार्कीलाई टाउको दुख्ने,चक्कर लाग्ने,वान्ता हुने जस्ता लक्षण देखिएकाले टाउँकोमा रगत जमेको हुन सक्ने शंकाले सिटी स्क्यानका लागि नेपालगञ्ज रिफर गरिएपनि मौसम खरावीका कारण जहाज नभएपछि मध्ये राति १२ः३० बजे मृत्यु भएको घोषणा गरेको डाक्टर न्यौपानेको भनाई रहेको छ ।