कालीकोट हरिशोभा बचाउ अभियान’ मा पत्रकार तथा सामाजिक अभियान्ता किरण अधिकारीले १ लाख ७१ हजार ४ सय ८७ रुपैयाँ नगद संकलन गरेका छन् । पौष ७ गते साँझ खाना पकाउने क्रममा प्रेसर कुकर पड्किँदा गम्भीर घाइते भएकी ५१ वर्षीया हरिशोभा दमाई, उनका छोरा १४ वर्षीय गणेश दमाई र उनका भतिजा १० वर्षीय लाकेन्द्र दमाई गम्भीर घाइते हुँदा जिल्ला अस्पताल कालीकोटमा उपचाररत छन् ।
शुभकालिका गाउँपालिका
पचालझरना गाउँपालिका
शुभकालिका गाउँपालिका– ३ निवासी हरिशोभाको आर्थिक अवस्था नाजुक भएपछि ‘हरिशोभा बचाउ अभियान’ का लागि पत्रकार अधिकारीले सामाजिक सञ्जालमार्फत सहयोग गर्न आग्रह गरेका थिए । मंगलबार जिल्ला प्रशासन कार्यालयको सभाहलमा प्रमुख जिल्ला अधिकारी रामहरि शर्मा र प्रहरी प्रमुख जयश्वर रिमालको रोहबरमा हरिशोभाका भतिजा विर्ख परियारलाई नगद रुपैयाँ हस्तान्तरण गरेका हुन् ।
जिल्लास्थित पत्रकार तथा अन्य सरोकारवालाहरुको उपस्थितमा आयोजित एक कार्यक्रममा अधिकारीले रकम सार्वजनिक गरेका थिए ।प्रमुख जिल्ला अधिकारी रामहरि शर्माले हरिशोभा जस्तो आर्थिक अवस्था कमजोर भई बिरामी हुँदासमेत उपचार गर्न सक्ने अवस्था नभएको परिवारलाई पत्रकार अधिकारीले गरेको प्रशंसाजनक कार्यबाट अन्य अभियान्ताहरुले केही सिक्नुपर्ने बताए । प्रमुख जिल्ला अधिकारी शर्माले पत्रकार अधिकारीलाई धन्यवाद दिँदै आगामी दिनहरुमा पनि दिनदुखीहरुको सहयोगमा निरन्तर खट्न आग्रह समेत गरे ुिर्य
तिलाप्रेस । १२ पुष २०७९, मंगलवार १६:५०