बाजुरा जिल्ला बुढीगंगा नगरपालिका वडा १ अम्कोटका पहिरोपीडितहरू दिनभर साहुको भारी बोक्दै साँझ बिहानको छाक टार्ने गरेका छन्। साँफे(मार्तडी सडक खण्डअन्तर्गत पर्ने अम्कोटमा विगत ६ वर्षदेखि पहिरो आउने गरेको छ।
शुभकालिका गाउँपालिका
पचालझरना गाउँपालिका
पहिरोले गर्दा साँफे(मार्तडी सडक तीन महिनादेखि अवरुद्ध भएको छ। सडक अवरुद्ध हुँदा साँफे( मार्तडी कोल्टीको यात्रा निकै कष्टकर रहेको यात्रु दिलबहादुर कुँवरले बताए। उनले भने अम्कोट पहिरोले गर्दा २ सयभन्दा बढी अम्कोटवासीको बिचल्ली हुनुका साथै साँफे(मार्तडी सडक खण्डमा सञ्चालन हुने साना तथा ठूलो दुरीका सवारीसाधनहरू बन्द हुँदा खाद्यान्न तथा अन्य दैनिक खाद्यवस्तु ढुवानी गर्न समस्या भएको कुँवरले बताए।
पहिरोले घरवास जग्गा जमिन बगाएपछि अम्कोटका १ सयभन्दा बढी परिवार पूर्ण विस्थापित भइसकेको पहिरोपीडित काशी चन्द पाध्यायले बताए। उनले भने,ुसाँझ बिहान के खाने के लगाउने भन्ने चिन्ताले मन पिरोलिरहेको छ।
तिलाप्रेस । २६ भाद्र २०७९, आईतवार १२:४७